rishte ke pehle panne par yun laga
ki khushboo teri dosti ki mujhe mahka gayi
panne palatne lage hum, aur..
kuch geet ke shabd hawayon ko chahka gayi
mai aksar sochti..
mere saare ahsaason ka naam, isi 'dosti' shabd me seemit hai
isi shabd me har pal ki khushi, har aansoo ki peeda jeevit hai
jab tum muskuraaye mujhe laga,
dusro ki hansi me hasna??
arre, ye to manavta k lakshan hai..
jab rooth gaye tum, udaas hui mai
laga man kamzor hai, ghayal hone k saksham hai..
jab vartaalap ke lambe arse,yun beete jaise ek lamha tha
samay ka kaanta ghumta gaya, humko khud pe achambha tha
tab bhi mujhe laga..
ye dilchasp vishay ka kamaal hai..
punravritti ki jeevan me, khalipan dur karne k sawaal hai!
jab waqt kam pad gaya dinbhar me,
tab maine khud se hi baatein ki
laga ab to sampoorn hu mai..
nahi, wo baatein bhi tumhari thi
din,mahine ,saal beet gaye
par meri kahani khatam na hui
kyuki uski lekhika mai khud thi
laga,ki kalam me kaaleekh kam na hui
kahani jab aage badhe,
hum ant sochne se darte hai
kehte hai ,'' is pal ko jee lo''
par roz usi me marte hai
inhi muskurahton ke beech ..
dil sirf dosti k lie bekaraar tha
door jaane pe jab aankhen bhar aayi
tab vishwash hua ,wo pyaar tha.